ವಂಚಕರು ನಕಲಿ ಉದ್ಯೋಗದ ಆಫರ್ ಲೆಟರ್ಗಳನ್ನು (Job Offer Letters) ತಯಾರು ಮಾಡಿ, ನಂಬಲಸಾಧ್ಯವಾದಷ್ಟು ಸುಲಭವಾಗಿ ಕೆಲಸ ಖಚಿತಪಡಿಸುವುದಾಗಿ ಭರವಸೆ ನೀಡುತ್ತಾರೆ. ಇದರ ಭಾಗವಾಗಿ, ಓರ್ವ ಯುವಕನಿಗೆ ಉದ್ಯೋಗ ನೀಡುವ ಆಮಿಷ ಒಡ್ಡಿ ಬರೋಬ್ಬರಿ ಮೂರು ಲಕ್ಷ ರೂಪಾಯಿಯಷ್ಟು ಹಣಕ್ಕೆ ಬೇಡಿಕೆ ಇಟ್ಟಿದ್ದಾರೆ. ವಾಟ್ಸಪ್ನಲ್ಲಿ ಲಿಂಕ್ಗಳನ್ನು ಕಳುಹಿಸುವ ಮೂಲಕ ಅಭ್ಯರ್ಥಿಗಳನ್ನು ಜಾಯಿನಿಂಗ್ ಮಾಡಿಸುವುದು, ನಕಲಿ ಆಫರ್ ಲೆಟರ್ಗಳನ್ನು ನೀಡುವುದು ಈ ವಂಚಕರ ಸಾಮಾನ್ಯ ತಂತ್ರವಾಗಿದೆ. ಇದರ ಜೊತೆಗೆ, "ಲಿಂಕ್ ಅನ್ನು ಕ್ಲಿಕ್ ಮಾಡಿ ಸಿಮ್ ಅನ್ನು ಆಕ್ಟಿವೇಟ್ ಮಾಡಿ" ಎಂಬಂತಹ ಸುಳ್ಳು ಕಾರಣಗಳನ್ನು ಹೇಳಿ ಸಹ ಹಣವನ್ನು ದೋಚಲು ಯತ್ನಿಸುತ್ತಿದ್ದಾರೆ.
ಈ ಹಿನ್ನೆಲೆಯಲ್ಲಿ ಉದ್ಯೋಗಾಕಾಂಕ್ಷಿಗಳು ಹಾಗೂ ಸಾರ್ವಜನಿಕರು ಇಂತಹ ಆನ್ಲೈನ್ ವಂಚನೆಗಳ ಬಗ್ಗೆ ತೀವ್ರ ಎಚ್ಚರ ವಹಿಸಬೇಕು. ಉದ್ಯೋಗ ಕೊಡಿಸುವುದಾಗಿ ನಂಬಿಸಿ ಹಣಕ್ಕೆ ಬೇಡಿಕೆ ಇಡುವ ಅಥವಾ ನಿಮ್ಮ ವೈಯಕ್ತಿಕ ವಿವರಗಳನ್ನು ಕೇಳುವ ಯಾವುದೇ ವಾಟ್ಸಪ್ ಲಿಂಕ್ಗಳು, ಕರೆಗಳು ಅಥವಾ ಸಂದೇಶಗಳಿಗೆ ಸ್ಪಂದಿಸಬಾರದು. ಯಾವುದೇ ಉದ್ಯೋಗದ ಆಫರ್ಗಳಿಗೆ ಹಣ ಪಾವತಿಸುವ ಅಗತ್ಯವಿರುವುದಿಲ್ಲ. ಉದ್ಯೋಗದ ಹೆಸರಿನಲ್ಲಿ ನಡೆಯುವ ಇಂತಹ ಯಾವುದೇ ವಂಚನೆಗೆ ಬಲಿಯಾಗದಿರಲು ಸಾರ್ವಜನಿಕರು ಜಾಗೃತರಾಗಿರಬೇಕು.
ಅಧಿಕೃತ ಕಂಪನಿಗಳ ವೆಬ್ಸೈಟ್ಗೆ ಭೇಟಿ ನೀಡಿ ಉದ್ಯೋಗದ ಬಗ್ಗೆ ಸಂಪೂರ್ಣ ಮಾಹಿತಿ ಪಡೆದುಕೊಳ್ಳಿ.
0 Comments