ಘಾಟ್ ಮಾರ್ಗದಲ್ಲಿ ವಿದ್ಯುತ್ ಕಾಮಗಾರಿ – ಹಲವಾರು ಹಗಲಿನ ರೈಲುಗಳು ರದ್ದು!

 ಮಂಗಳೂರು: ಸಕಲೇಶಪುರ–ಸುಬ್ರಹ್ಮಣ್ಯ ರಸ್ತೆ ನಡುವಿನ ಘಾಟ್ ವಿಭಾಗದಲ್ಲಿ ವಿದ್ಯುತ್ ಮಾರ್ಗ ಕಾಮಗಾರಿಯ ಹಿನ್ನೆಲೆಯಲ್ಲಿ ನೈರುತ್ಯ ರೈಲ್ವೆ ಡಿ.15ರವರೆಗೆ ಲೈನ್ ಬ್ಲಾಕ್ ವಿಧಿಸಲು ರೈಲ್ವೆ ಸಚಿವಾಲಯ ಅನುಮೋದನೆ ನೀಡಿದೆ. ಪರಿಣಾಮವಾಗಿ, ಈ ಮಾರ್ಗದಲ್ಲಿ ಸಂಚರಿಸುತ್ತಿದ್ದ ಹಲವು ಹಗಲಿನ ರೈಲುಗಳ ರದ್ದತಿ ಅವಧಿ ವಿಸ್ತರಿಸಲಾಗಿದೆ.

ರೈಲು ಸಂಖ್ಯೆ 16539 ಯಶವಂತಪುರ–ಮಂಗಳೂರು ಜಂಕ್ಷನ್ ಸಾಪ್ತಾಹಿಕ ರೈಲು ಡಿ.13ರವರೆಗೆ, ಮತ್ತು 16540 ಮಂಗಳೂರು ಜಂಕ್ಷನ್–ಯಶವಂತಪುರ ಸಾಪ್ತಾಹಿಕ ರೈಲು ಡಿ.14ರವರೆಗೆ ರದ್ದಾಗಲಿದೆ.

ಇದೇ ರೀತಿ, ರೈಲು ಸಂಖ್ಯೆ 16575 ಯಶವಂತಪುರ–ಮಂಗಳೂರು ಜಂಕ್ಷನ್ ತ್ರೈವಾರದ ಗೋಮಟೇಶ್ವರ ಎಕ್ಸ್‌ಪ್ರೆಸ್ ಡಿ.14ರವರೆಗೆ ಹಾಗೂ 16576 ಮಂಗಳೂರು ಜಂಕ್ಷನ್–ಯಶವಂತಪುರ ತ್ರೈವಾರದ ಗೋಮಟೇಶ್ವರ ಎಕ್ಸ್‌ಪ್ರೆಸ್ ಡಿ.15ರವರೆಗೆ ರದ್ದಾಗಲಿದೆ.

ಇನ್ನು, ರೈಲು ಸಂಖ್ಯೆ 16515 ಯಶವಂತಪುರ–ಕಾರವಾರ ತ್ರೈವಾರದ ರೈಲು ಡಿ.15ರವರೆಗೆ ಮತ್ತು 16516 ಕಾರವಾರ–ಯಶವಂತಪುರ ತ್ರಿವಾರ ರೈಲು ಡಿ.16ರವರೆಗೆ ರದ್ದಾಗಲಿದೆ.