ಕಟೀಲು ದುರ್ಗಾಪರಮೇಶ್ವರೀ ದೇಗುಲ: ಸೇವಾದರದಲ್ಲಿ ಅಲ್ಪ ಇಳಿಕೆ, ಮಹಾನವಮಿಯಂದು ದಾಖಲೆ ಸೇವೆ

 

ಕಟೀಲು: ಖ್ಯಾತ ಯಾತ್ರಾಸ್ಥಳವಾದ ಕಟೀಲು ಶ್ರೀ ದುರ್ಗಾಪರಮೇಶ್ವರೀ ದೇವಸ್ಥಾನದಲ್ಲಿ ಅಕ್ಟೋಬರ್ 1 ರಿಂದ ಪರಿಷ್ಕೃತ ಹೊಸ ಸೇವಾದರಗಳು ಜಾರಿಗೆ ಬಂದಿವೆ. ಈ ದರಗಳ ಏರಿಕೆಯ ಕುರಿತು ಸಾರ್ವಜನಿಕ ವಲಯದಲ್ಲಿ ವ್ಯಕ್ತವಾದ ಮನವಿ ಮತ್ತು ಒತ್ತಡದ ಪರಿಣಾಮವಾಗಿ, ದೇಗುಲದ ಆಡಳಿತ ಮಂಡಳಿಯು ಕೆಲವು ಸೇವೆಗಳ ದರದಲ್ಲಿ ಅಲ್ಪ ಇಳಿಕೆ ಮಾಡಿ ಅಂತಿಮ ದರಪಟ್ಟಿ ಜಾರಿಗೊಳಿಸಿದೆ.

ದರ ಪರಿಷ್ಕರಣೆಯ ಆರಂಭಿಕ ಪ್ರಕಟಣೆಯ ಬಳಿಕ ಭಕ್ತರು, ಸ್ಥಳೀಯ ಜನಪ್ರತಿನಿಧಿಗಳು ಮತ್ತು ದೇವಳದ ಆಡಳಿತ ಮಂಡಳಿಗೆ ದರ ಇಳಿಸುವಂತೆ ಮನವಿ ಸಲ್ಲಿಸಿದ್ದರು. ಇದರ ಫಲವಾಗಿ, ಹೂವಿನ ಪೂಜೆಯ ದರದಲ್ಲಿ ₹200, ಕಾರ್ತಿಪೂಜೆಯಲ್ಲಿ ₹20, ಹಾಗೂ ತೀರ್ಥ ಬಾಟ್ಲಿಗೆ ₹10 ರಂತೆ ದರಗಳನ್ನು ಇಳಿಸಿ ಹೊಸ ದರಗಳನ್ನು ಅಳವಡಿಸಲಾಗಿದೆ.

ಮಹಾನವಮಿ, ವಿಜಯದಶಮಿಗೆ ದಾಖಲೆಯ ಭಕ್ತ ಸಮೂಹ

ಈ ಮಧ್ಯೆ, ಇತ್ತೀಚೆಗೆ ನಡೆದ ಮಹಾನವಮಿ ಮತ್ತು ವಿಜಯದಶಮಿಯಂದು ಕಟೀಲು ದೇವಸ್ಥಾನಕ್ಕೆ ಭಕ್ತ ಸಾಗರವೇ ಹರಿದು ಬಂದಿತ್ತು. ದೇವಸ್ಥಾನದ ಪ್ರಕಟನೆಯ ಪ್ರಕಾರ, ಈ ಎರಡೂ ದಿನಗಳಲ್ಲಿ ದಾಖಲೆಯ ಸೇವೆಗಳು ನೆರವೇರಿವೆ.

ಪ್ರಮುಖ ಸೇವೆಗಳ ವಿವರ:

 * ವಾಹನ ಪೂಜೆ: 1500ಕ್ಕೂ ಹೆಚ್ಚು

 * ಹೂವಿನ ಪೂಜೆ: 6100

 * ಕುಂಕುಮಾರ್ಚನೆ: 4500

 * ಅಕ್ಷರಾಭ್ಯಾಸ: ನೂರಾರು ಮಕ್ಕಳಿಗೆ

 * ದೇವರ ಕಾಣಿಕೆ: ಐನೂರಕ್ಕೂ ಹೆಚ್ಚು ಸೀರೆಗಳು ದೇವಿಗೆ ಕಾಣಿಕೆಯಾಗಿ ಬಂದಿವೆ.

ಜಾಹೀರಾತಿಗಾಗಿ ಸಂಪರ್ಕಿಸಿ:

ನಮ್ಮ ವೆಬ್‌ಸೈಟ್‌ನಲ್ಲಿ ನಿಮ್ಮ ವ್ಯವಹಾರ, ಸೇವೆ ಅಥವಾ ಉತ್ಪನ್ನವನ್ನು ಪ್ರಚಾರ ಮಾಡಲು ಬಯಸುವಿರಾ?

 ದಯವಿಟ್ಟು ಜಾಹೀರಾತಿಗಾಗಿ ಸಂಪರ್ಕಿಸಿ: 9880834166 / WhatsApp